Söngkvöld með Eyjamönnum í Hvíta

Söng og skemmtisveitin Blítt og létt frá Vestmannaeyjum er á ferðinni á fastalandinu og heldur sitt árlega Eyjakvöld í Hvítahúsinu Selfossi í kvöld kl. 21.

Blítt og létt hópurinn er átta ára gömul hljómsveit og á tónleikunum eru söng og hljóðfæraleikararnir tólf talsins.

Sungin verða skemmtileg Eyjalög sem allir þekkja og textum varpað á vegg svo allir geti sungið með. Sögum af höfundum og ljóðum er síðan fléttað inn í dagskrána.

Enginn sem unnir skemmtilegum söng og tónlist í anda Eyjamanna má missa af þessum viðburði.