Strákarnir í hljómsveitinni Hámenning úr félagsmiðstöðinni Zelsius á Selfossi fengu sérstök verðlaun fyrir skemmtilegasta atriðið á Samfés söngkeppninni sem fór fram í Laugardalshöll um síðustu helgi.
Félagsmiðstöðvar af öllu landinu kepptu en um fimm þúsund ungmenni voru í salnum og fylgdust með keppninni, auk þess sem hún var í beinni útsendingu í Ríkissjónvarpinu.
Hámenning tók lagið Lög og regla með Bubba Morthens og voru um leið með mjög skemmtilegt dansatriði.
Á myndinni er hljómsveitinn ásamt kynnum keppninnar en strákarnir fjórir heita, talið frá vinstri, Hlynur Héðinsson á bassa, Arnór Bjarki Eyþórsson á rafmagnsgítar, Pétur Már Sigurðsson, söngvari og Veigar Atli Magnússon á trommum.
Hljómsveitin fékk fjölmörg gjafabréf í verðlaun.