Magdalena Katrín Sveinsdóttir, Menntaskólanum að Laugarvatni, hafnaði í þriðja sæti í Söngkeppni framhaldsskólanna sem haldin var á Akureyri í gærkvöldi.
Magdalena söng lag Nina Simone Feeling Good af mikilli prýði.
Keppnin var í tvennu lagi í ár, á föstudagskvöld kepptu allir skólarnir þar sem tólf atriði komust áfram á úrslitakvöldið sem sjónvarpað var á Ríkissjónvarpinu í gærkvöldi.
Söngkonan Ásdís María Viðarsdóttir nemandi við Menntaskólann við Hamrahlíð fór með sigur af hólmi í keppninni.