Langi Seli og Skuggarnir í Höfninni í kvöld

Í kvöld kl. 21 heldur hljómsveitin Langi Seli og Skuggarnir tónleika í Ráðhúskaffi í Þorlákshöfn.

Í ár fagnar hljómsveitin 25 ára afmæli sínu en hana skipa þeir Langi Seli sem spilar á gítar og syngur, Þorgils Björgvinsson á gítar, Jón Skuggi á bassa og Erik Qvick á trommur.

Langi Seli og Skuggarnir hafa í gegnum árin fengist við ýmis tilbrigði við rokksöguna og mun það vera gert áfram og undiraldan sem fyrr sterklega lituð af einhverskonar rokkabillýi.

Farið verður í gegnum ferilinn og spiluð frumsamin lög hljómsveitarinnar bæði gömul og ný.

Aðgangseyrir er 2.000 krónur en frítt er inn fyrir 12 ára og yngri í fylgd með fullorðnum.