Söngkonan Kristjana Stefánsdóttir er tilnefnd til íslensku tónlistarverðlaunanna í tveimur flokkum en tilnefningarnar voru kynntar í Hörpu síðdegis í dag.
Kristjana er tilnefnd sem söngkona ársins en hún gaf út hljómplötuna Ófelía fyrir síðustu jól, með hljómsveit sinni Bambaló.
Þá eru Kristana og Bergur Þór Ingólfsson tilnefnd í flokknum Plata ársins, leikhús- og kvikmyndatónlist, fyrir plötuna Blái hnötturinn; tónlist við leiksýningu Borgarleikhússins.
Íslensku tónlistarverðlaunin verða afhent við hátíðlega athöfn þann 2. mars næstkomandi í Silfurbergi í Hörpu.