Kvartett Kristjönu Stefánsdóttur heldur jóladjasstónleika í Tryggvaskála á Selfossi í kvöld kl. 21.
Árið 1996 gaf kvartettinn út geislaplötuna Ég verð heima um jólin sem fékk góðar viðtökur. Árin eftir útkomu plötunnar varð jóladjassinn að árlegum viðburði í menningarlífi sunnlendinga og geislaplatan varð vinsæl á heimilum landsmanna og seldist upp. Hún var þó endurútgefin fyrir nokkrum árum af Dimmu útgáfu.
Á tónleikunum mun kvartettinn leika jólalög í djössuðum útsetningum. Kvartettinn skipa auk Kristjönu, Gunnar Jónsson á trommur, Smári Kristjánsson á bassa og Vignir Þór Stefánsson á pianó.