Föstudaginn 10. mars kl. 20 verður quiz spurningaleikur á Kanslaranum á Hellu. Þar getur fólk keppt eitt og sér eða myndað lið með tveimur til fjórum liðsmönnum.
Aðgangseyrir er 1.500 kr. en það er Hringur, kór eldri borgara í Rangárþingi, sem stendur fyrir quizinu. Viðburðurinn er fjáröflun vegna söngferðalags til Danmerkur í maí.
Tilvalið er fyrir áhugasama að fá sér gott að borða á Kanslaranum á undan og svo er hægt að njóta guðaveiga meðan á leiknum stendur.