Hin gamalkunna danshljómsveit Dúmbó og Steini frá Akranesi spilar á stórdansleik í félagsheimilinu Hvoli á Hvolsvelli í kvöld kl. 22.
Hljómsveitin fagnar 50 ára starfsafmæli, en á Hvoli spilaði hljómsveitin margoft við geysivinsældir á ferli sínum, og þykir því tilheyra að rifja upp fyrri tíma í Hvolnum. Dúmbó hafa komið fram öðru hvoru í gegnum árin, en frá áramótum hafa þeir æft prógramm sitt, og ætla að skemmta landsmönnum í sumar.
Einnig fagnar Hvolsvöllur 80 ára afmæli og má segja að viðburðurinn sé liður í hátíðarhöldunum. Þá ætlar fjöldi fyrrum Skógaskólanema að stefna sér saman,og fjölmenna á dansleikinn ,en þeir verða á yfirreið um Suðurland þessa helgi að fagna útskriftarafmælum sínum.
Dansleikurinn hefst stundvíslega kl. 22.