Bryndís Gígja sigraði Blítt og létt

Bryndís Gígja Gunnarsdóttir frá Skeiðháholti sigraði á söngkeppni Menntaskólans að Laugarvatni í gærkvöldi. Um 500 gestir fylgdust með glæsilegri keppni.

Bryndís Gígja flutti lagið ‘Sour Times’. Í öðru sæti urðu Magdalena Katrín Sveinsdóttir og Hreinn Heiðar Jóhannsson, en Helgi Jónsson í því þriðja.

Auk þeirra átján atriða sem tóku þátt í keppninni flutti Brynja Sóley Plaggenborg ljóð, stúlkur úr fjórða bekk sýndu afar listrænan dans, sigurvegarinn frá í fyrra, Helgi Jónsson flutti sigurlagið, “Take on Me” og hjómsveitin Stone Stones, sem lék undir í keppninni af miklu öryggi, flutti tvö ‘blues’ lög.

Um 500 gestir fylgdust með keppninni, þar á meðal vel á þriðja hundrað grunnskólanemar af Suðurlandi.

Dómarar í söngkeppninni hafa marga fjöruna sopið, þau Jóel Friðrik Jónsson, Eyrún Jónasdóttir og Pétur Guðmundsson (Benediktssonar).

Kynnar voru fimmtubekkingarnir Sigurður Skúli Benediktsson og Hjalti Freyr Ragnarsson.

Myndir frá keppninni á heimasíðu ML