Hljómsveitin Aragrúi frá Selfossi varð í 3. sæti í Músíktilraunum en úrslitakvöldið fór fram í Silfurbergi í Hörpu í kvöld. Hulda Kristín Kolbrúnardóttir, söngkona Aragrúa, var valin besti söngvari tilraunanna.
Aragrúi var ein þriggja hljómsveita sem komst í úrslit Músiktilrauna á aukavali dómnefndar að loknum öllum undankvöldunum.
Keppnin í kvöld var gífurlega jöfn og var eftirtektarvert hversu vel böndin stóðu sig. Auk Aragrúa lék hljómsveitin Glundroði frá Selfossi á úrslitakvöldinu.
Sigurvegari Músíktilrauna í ár var rafdúettinn Vök frá Hafnarfirði.