Sunnlenska hljómsveitin Kiriyama Family heldur toppsæti Vinsældalista Rásar 2 þriðju vikuna í röð með lagið „Apart“.
Listinn var kynntur í gær en Apart hefur verið á listanum undanfarnar sjö vikur, þar af síðustu þrjár í toppsætinu.
Reggísveitin Amaba Dama er enn í öðru sætinu með lagið Hossa Hossa og í því þriðja er hljómsveitin Hjálmar með lagið Lof.
Hvati kynnir 30 vinsælustu lög Rásar 2 síðdegis á laugardögum og aftur á sunnudagskvöldum en einnig er hægt að hlusta á listann í Hlaðvarpi RÚV.
Hlustendur geta tekið þátt í vali listans með því að kjósa hér.