Þá liggur niðurstaðan fyrir í sveitarstjórnarkosningunum 2026 þar sem Sjálfstæðisflokkurinn í Árborg fékk 52,8% atkvæða og umboð til að leiða bæjarstjórn Árborgar næstu fjögur árin.
Við erum þakklát og auðmjúk fyrir traust ykkar íbúa í Árborg. Við göngum gríðarlega stolt frá kosningabaráttunni þar sem við lögðum áherslu á málefnin og framtíð Árborgar. Barátta sem sýndi þann mikla jákvæða kraft sem býr í Sjálfstæðisflokknum í Árborg.
Árangur sem þessi er ekki sjálfsagður og við viljum þakka öllum þeim sem komu að kosningabaráttunni með einhverjum hætti. Geggjuð liðsheild þar sem allir lögðust á eitt og TAKK íbúar sem lögðu sitt atkvæði við D-listann. Við munum áfram starfa af heiðarleika og heilindum fyrir allt samfélagið okkar hér í Árborg.
Nú hefst vinna nýrrar bæjarstjórnar þar sem við munum halda áfram ábyrgri fjármálastjórn sem á að skila íbúum og fyrirtækjum betri lífsgæðum og lægri álögum til framtíðar.
Frambjóðendur D-listans í Árborg