Hveragerðisbær stendur á tímamótum, með sögulega sterka fjárhagsstöðu sem gerir kleift að ráðast í umfangsmikla uppbyggingu innviða og bæta þjónustu við íbúa. Áhersla er lögð á fjölskyldur, börn, innviðauppbyggingu og stafræna framþróun.
Afkoma umfram væntingar og fjárhagslegur styrkur
Ársreikningur bæjarins fyrir árið 2024 sýnir jákvæða niðurstöðu upp á 219 milljónir króna í A hluta samstæðunnar og 169 milljónir króna í A og B hluta samstæðunnar. Skuldaviðmið er nú 108%, umtalsvert lægra en áætlanir gerðu ráð fyrir, sem tryggir fjárhagslegan styrk til nauðsynlegra framfara.
Leikskólapláss fyrir alla og uppbygging leikskóla
Bæjarstjórn hefur náð mikilvægum áfanga með því að tryggja að öll börn fædd árið 2024 og fyrr hafa fengið boð um leikskólapláss, sem er eitt af helstu markmiðum meirihlutans. Ný og glæsileg viðbygging við leikskólann Óskaland mun auka gæði leikskólastarfs og tryggja gott aðgengi að plássum.
Stafræn framtíðarsýn og bætt þjónusta
Með nýrri stöðu stafræns leiðtoga og aðgerðaáætlun sem leiðir að stafrænni stefnu hefur Hveragerðisbær stigið stórt skref í stafrænni þróun og bættri þjónustu við íbúa, í samræmi við vaxandi þarfir og fjölgun íbúa.
Fjárfest í innviðum og framtíð bæjarins
• Áætlað er að 3. áfanga við grunnskólann verði lokið í júní og lokaúttekt í ágúst.
• Jarðvinna vegna íþróttahúss við Skólamörk 2 er í útboði, og áætlað er að húsið verði tilbúið á næsta ári.
• Yfirborð og lagnir vegna gervigrasvallar eru í vinnslu, og tæknirými í útboði. Völlurinn verður tekinn í notkun í sumar.
Úthlutun lóða í Tröllahrauni
Bæjarstjórn samþykkti að auglýsa úthlutun 11 lóða í Tröllahrauni, þar sem 40% byggingarréttargjald verður lagt á hverja lóð.
Hveragerðisbær stefnir áfram að því að vera framúrskarandi bæjarfélag með áherslu á fjölskyldur, framsækna þjónustu og sjálfbæra þróun.
Framsókn og Okkar Hveragerði