„Við ætlum í boltann, ekki manninn. Kosningabarátta okkar á að vera uppbyggileg, gleðileg og jákvæð. Við munum hvergi víkja frá gildum okkar um frelsi, jafnrétti, samkennd og þolgæði. Dveljum ekki í fortíðinni, því framtíðin er viðfangsefni nýs framboðs Viðreisnar í Árborg“.
Á þessa leið voru hvatningarorð og skilaboð oddvita Viðreisnar í Árborg, Heiðrúnar Kristmundsdóttur, til annarra frambjóðenda og gesta þegar listi flokksins var kynntur og samþykktur 22. mars sl.
Fólkið
Listinn er skipaður samheldnum hópi fólks með ólíkan bakgrunn sem sameinast hefur um að grunngildi Viðreisnar eigi erindi í Árborg. Á listanum er öflugt ungt fólk sem hefur látið til sín taka svo um munar í málefnastarfinu og munu áherslur okkar bera þess skýr merki. Þá er reynsla Ingunnar Guðmundsdóttur úr sveitarstjórnarmálum ómetanleg fyrir þau okkar sem eru að feta sín fyrstu skref á nýjum vettvangi.
Næstu daga og vikur munum við kynna frambjóðendur á samfélagsmiðlum okkar, með greinaskrifum og með heimsóknum í fyrirtæki og stofnanir svo fátt eitt sé nefnt.
Málefnin
Þessa dagana höldum við opna málefnafundi og bjóðum þannig íbúum Árborgar að móta stefnu okkar og hitta frambjóðendur. Sú vinna hefur verið lærdómsrík fyrir okkur og erum við reynslunni ríkari eftir góð og hreinskiptin samtöl. Málefnaskrá framboðsins mun liggja fyrir 17. apríl og verður hún þá vel kynnt. Af nægu er að taka.
Við ætlum að hlusta vel og láta áherslur okkar í málum tala sínu máli.
Vorið með Viðreisn
Vorið er handan við hornið og við finnum að vindinn er í bakið. Viðreisn mun í gegnum samfélagsmiðla sína auglýsa fjölbreytta viðburði fram að kosningum. Svo fáeinir viðburðir séu nefndir þá eru málefnafundir okkar öllum opnir, opnun kosningamiðstöðvar á sumardaginn fyrsta verður vegleg, opnir fundir, fjölskylduskemmtanir, grill og góðir gestir um alla Árborg með frambjóðendum í góðum gír. Við auglýsum alla okkar viðburði vel á samfélagsmiðlum okkar. Fylgdu okkur á facebook, instagram og tik-tok undir Viðreisn í Árborg.
Hafðu samband
Sjálfur skipa ég 4. sæti lista Viðreisnar í Árborg og er kosningastjóri framboðsins.
Við viljum heyra í þér og við erum alltaf tilbúin í spjall, góð ráð, hugmyndir fyrir Árborg yfir kaffibolla. Síminn minn er 8634308 og netfangið er arnessysla@vidreisns.is. Við hlökkum til að heyra í þér.
Birgir Marteinsson
Skipar 4. sætið á lista Viðreisnar í Árborg og er kosningastjóri framboðsins