Sveitarfélagið Árborg er þekkt fyrir líflegt og fjörugt viðburðahald yfir sumartímann og það heldur áfram næstu vikurnar. Jónsmessan, Bryggjuhátíð, Kótelettan og Sumar á Selfossi eru hluti af flóru fjölskylduhátíða sem gefa sannarlega tilefni til heimsóknar á Suðurlandið í sumar.
Hver vika skipulögð undir hátíðir
Nú um helgina er Jónsmessuhátíð á Eyrarbakka sem nær hámarki á laugardaginn með Jónsmessubrennu og söng í fjörunni. Bryggjuhátíð á Stokkseyri er svo haldin laugardaginn 4. júlí en þá bjóða Stokkseyringar til skemmtidagskrár í bænum sem lýkur með kvöldskemmtun við bryggjuna. Grill- og tónlistarhátíðin “Kótelettan” fer fram dagana 9. til 12. júlí og Sumar á Selfossi lokar sumrinu dagana 6. til 9. ágúst. Þá skreyta íbúar Selfoss í hverfalitunum og mæta í sléttusöng í Sigtúnsgarðinum. Ekki má gleyma íþróttaleikjum og mótum, tónleikum, söfnunum og öðrum viðburðum sem lita samfélagið lífi á hverjum degi. Nánari upplýsingar um bæjarhátíðir í Árborg má finna á www.arborg.is.
Málefni leikskóla í góðum farvegi
Vel gengur að úthluta leikskólaplássum og nú þegar hafa öll börn fædd í apríl 2025 og áttu umsókn fengið úthlutað plássi í leikskóla frá og með næsta hausti. Það er ánægjulegt að sveitarfélagið geti úhlutað svo mörgum börnum rými en haustið 2026 eru um 700 börn í leikskólum Árborgar. Framkvæmdir eru komnar vel af stað við stækkun Jötunheima og ætlunin er að halda áfram uppbyggingu til að mæta þörf til framtíðar. Það er gleðilegt að sjá að umsóknir um heimgreiðslur eru fleiri en við gerðum upphaflega ráð fyrir, og frábært að þessi valkostur sé að nýtast foreldrum. Efling leikskóla í sveitarfélaginu er meðal lykil verkefna bæjarstjórnar.
Hækkum ekki umfram 2,5 prósent
Bæjarráð Árborgar tók þá ákvörðun í júní að leggja skýra línu við vinnu fjárhagsáætlunar 2027. Ef til þess kemur að hækka þurfi almennar gjaldskrár verður það ekki umfram 2,5 prósent verðbólgumarkmið Seðlabanka Íslands. Bæjaryfirvöld vilja með þessu sýna í verki vilja sinn til að ná niður verðbólgu í landinu og um leið létta undir með íbúum og fyrirtækjum í Árborg. Bæjaráð skoraði jafnframt á ríkisvaldið og önnur sveitarfélög að fylgja þessu fordæmi og gefa skýr skilaboð um mikilvægt hlutverk sitt í því að ná niður verðbólgu í landinu.
Það er sannarlega mikið um að vera í Sveitarfélaginu Árborg í sumar og ég hvet íbúa að taka þátt í hátíðarhöldum og íþróttaleikjum. Af nægu er að taka og ættu allir að finna sér eitthvað skemmtilegt að gera.
Bragi Bjarnason
Bæjarstjóri og oddviti Sjálfstæðisflokksins í Árborg