Kambsmálið – Engu gleymt, ekkert fyrirgefið

Leturstærð: Decrease font Enlarge font
image

Út er komin bókin „Kambsmálið – Engu gleymt, ekkert fyrirgefið“ eftir Jón Hjartarson rithöfund og fyrrverandi fræðslustjóra.

Bókin segir frá fornaldarlegum átökum fátækrar fjölskyldu við hreppsyfirvöld í Árneshreppi. Bókaútgáfan Sæmundur gefur út. 

Þann 4. júni 1953 mætti hreppstjóri Árneshrepps að bænum Kambi í sömu sveit til þess að bjóða upp dánarbú heimilisföðurins, sem látist hafði fyrr á árinu.

Húsmóðirin var á berklahælinu á Vífilsstöðum en heima fyrir einungis börnin, átta talsins og á aldrinum 7 til 18 ára.

Þegar búið var að selja hæstbjóðendum allt sem nýtilegt var af búsmunum, stóð til að ráðstafa barnaskaranum á heimili í sveitinni eftir fornum reglum um sveitarómaga. 

Þá gerist það að átján ára heimasæta stillir sér upp í útidyrum og fyrirbýður að nokkurt systkina hennar verði tekið í burtu af heimilinu. Eftir nokkurt stímabrak lúpast yfirvöld af bænum og skilja börnin eftir í reiðileysi.

Bókin Kambsmálið – Engu gleymt, ekkert fyrirgefið fjallar um þessa atburði, aðdragandann, atburðinn sjálfan og svo eftirleikinn.


  • email Senda frétt
  • print Prentvæn útgáfa
  • Plain text Einfaldur texti