Magnús Þór sjötugur í dag - afmælistónleikar í nóvember

Leturstærð: Decrease font Enlarge font
image Magnús Þór Sigmundsson.

Tónlistarmaðurinn Magnús Þór Sigmundsson er 70 ára í dag, þriðjudaginn 28. ágúst. Magnús, sem búsettur er í Hveragerði, ætlar að halda upp á þann áfanga með afmælistónleikum þann 15. nóvember næstkomandi.

Tónleikarnir verða jafnframt útgáfutónleikar nýrrar plötu sem hann vann með hljómsveitinni Árstíðum. 

Tónleikarnir verða stórviðburður þar sem Magnús fær til sín frábært tónlistarfólk sem hefur sungið lögin hans inn í hjörtu þjóðarinnar, en þar má nefna Pál Óskar, Ragnheiði Gröndal, Sverrir Bergmann, Jóhann Helgason, dóttur hans Þórunni Antóníu, Jónas Sig, Fjallabræður og hljómsveit skipuð mönnum úr fremstu röð.

Auk þess verður hljómsveitin Árstíðir þarna og mun Magnús spila með þeim fimm lög af nýrri plötu, en að öðru leiti verður efnisskráin samsett af lögum sem allir þekkja og flestir elska. 

Miðasala á afmælistónleikana hófst í dag á midi.is.

Magnús Þór er einn afkastamesti laga- og textahöfundur sem Ísland hefur af sér getið og sem dæmi um lög og/eða texta sem hann hefur samið þá má nefna Ísland er land þitt, Ást, Ást við fyrstu sýn, Þú átt mig ein, texta við þjóðhátíðarlögin tvö sem Sverrir Bergmann söng, Álfar, Freyja og svona mætti lengi lengi telja.

  • email Senda frétt
  • print Prentvæn útgáfa
  • Plain text Einfaldur texti