Það verður margt um að vera í Hveragerði á 17. júní en meðal annars verður hátíðarguðsþjónusta í kirkjunni kl. 11:00.
Þar mun séra Kristján Björnsson, nýkjörinn vígslubiskup í Skálholti, prédika og Jón Ragnarsson sóknarprestur þjónar fyrir altari.
Nýkjörnir bæjarfulltrúar munu lesa ritningarlestra og Kirkjukór Hveragerðis- og Kotstrandarsókna leiðir söng undir stjórn Jóns Bjarnasonar.
Hvergerðingar eru hvattir til að eiga góða stund í Guðshúsi og fagna lýðveldinu og fullveldi í hundrað ár.