Fimmtudagsupplestur í Bókakaffinu

Leturstærð: Decrease font Enlarge font
image Guðmundur Brynjólfsson er einn þeirra sem stígur á stokk á fimmtudagskvöld.

Fimm höfundar og einn þýðandi stíga á stokk í Bókakaffinu á Selfossi fimmtudagskvöldið 30. nóvember og lesa úr nýútkomnum bókum sínum.

Að vanda verður opnað klukkan átta, lestur hefst hálftíma síðar og stendur í klukkustund. Allir velkomnir meðan húsrúm leyfir, kakó og notalegheit.

Höfundarnir sem mæta að þessu sinni eru eftirtalin:

Illugi Jökulsson sem les úr bók sinni Til orrustu frá Íslandi sem fjallar um sjóhernað og slysfarir við Ísland á stríðsárunum.

Jóhanna María Einarsdóttir sem sendir frá sér sína fyrstu bók sem heitir Pínulítil kenópsía og skáldskaparleg uppreisn gegn hefðinni.

Norsk-íslensku höfundurinn Knut Ødegard og þýðandinn Hjörtur Pálsson kynna bókina Þunna torfan sem ég stend á en hér eru á ferðinni trúarlegir ljóðabálkar þessa margverðlaunaða ljóðskálds.

Valgeir Ómar Jónsson sagnfræðingur les úr bók sinni Vitaverðinum sem er frásögn af dramatískum árekstrum Breska heimsveldisins við íslenska gestrisni norður á Galtarvita.

Guðmundur S. Brynjólfsson rithöfundur og djákni sendir frá sér skáldsöguna Tímagarðinn sem hefur líkt og fyrri verk höfundar hlotið afar góða dóma.

  • email Senda frétt
  • print Prentvæn útgáfa
  • Plain text Einfaldur texti