Leikfélag Hveragerðis frumsýnir söngdagskrána; Söngur og leikur í 70 ár, föstudaginn 13. október næstkomandi kl. 20 í Leikhúsinu Austurmörk 23 Hveragerði.
Flutt verða lög úr leikritum sem leikfélagið hefur sýnt á undanförnum árum, t.d. Saumastofunni, Þið munið hann Jörund, Þrek og tár, Línu Langsokk, Dýrunum í Hálsaskógi og fleirum. Þriggja manna hljómsveit undir stjórn Guðmundar Eiríkssonar sér um undirleik.
Söngvarar eru 15–20 með einsöng og kórsöng. Leikfélagið hefur fengið bíóstóla úr Austurbæjarbíói og sett í salinn þannig að nú er frábært að eiga í húsinu þægilega og skemmtilega kvöldstund og ekki skemmir fyrir að húsið hefur fengið vínveitingaleyfi.
Önnur sýning er laugardaginn 14 október. Miðapantanir eru í síma; 863-8522 og miðaverð er 3.000 kr.