Leiðsögn með Margréti Elísabetu

Leturstærð: Decrease font Enlarge font
image Margrét Elísabet Ólafsdóttir.

Margrét Elísabet Ólafsdóttir, sýningarstjóri „Sköpun sjálfsins“, mun segja frá verkum sýningarinnar í Listasafni Árnesinga, laugardaginn 9. september kl. 14.

Margrét valdi til sýningar verk eftir frumkvöðla íslenskra nútímalistar þar sem sjá má bæði hvernig áhrif expressjónistanna birtast í verkum íslensku listamannanna, en einnig hvernig þeir vinna úr þessum áhrifum og gera þau að sínum. Á sýningunni má meðal annars sjá verk eftir Gunnlaug Scheving, Jóhann Briem, Jóhannes S. Kjarval, Jón Engilberts og Mugg. Flest verkanna eru fengin að láni frá Listasafni Íslands, en verk frá einkaaðilum og úr safneign Listasafns Árnesinga eru einnig á sýningunni.  

Verkin spanna þrjátíu viðburðarík ár þar sem saga íslenskrar myndlistar fléttast saman við menningarlega og pólitíska sjálfstæðisbaráttu millistríðsáranna, sem lýkur þegar Ísland fær sjálfstæði árið 1944. 

Sýningarstjórinn, Margrét Elísabet Ólafsdóttir, er fædd og uppalin á Selfossi og Hveragerði, en er nú lektor við Háskólann á Akureyri . 

Síðasti sýningardagur Sköpun sjálfsins er 10. september. Safnið er opið alla daga kl. 12-18 Aðgangur að safninu er ókeypis, líka á leiðsögnina og allir velkomnir.

  • email Senda frétt
  • print Prentvæn útgáfa
  • Plain text Einfaldur texti