Leikfélag Austur-Eyfellinga hlaut á dögunum nafnbótina Sveitarlistamaður Rangárþings eystra árið 2017.
Leikfélagið hefur verið í fararbroddi í leiklistarstarfi sveitarfélagsins, sett upp stórar sýningar eins og Önnu frá Stóru Borg og Kardemommubæinn ásamt því að vera leiðandi í leiklistarkennslu.
Hjá félaginu er starfandi leikhópurinn Glætan þar sem grunnskólabörn koma saman, æfa og sýna leikrit.
Á Kjötsúpuhátíðinni um síðustu helgi afhenti Helga Guðrún Lárusdóttir verðlaunin fyrir hönd Menningarnefndar og við þeim tók Margrét Tryggvadóttir sem hefur unnið ötult starf í þágu leiklistarinnar með félaginu.