Kirkjuskipan Kristjáns III og upphaf siðbreytingar á Íslandi

Leturstærð: Decrease font Enlarge font
image Kristján þriðji Danakonungur.

Sunnudaginn 2. september 1537 undirritaði Kristján III Danakonungur nýja kirkjuskipan.

Með þeim gjörningi  staðfestist að til var orðin ný kirkja sem tók við af hinni rómversk kaþólsku kirkju í öllum hans  löndum og hertogadæmum.  

Af þessu tilefni hefur verið ákveðið að halda málþing um kirkjuskipanina og upphaf siðbreytingarinnar á Íslandi í Skálholti  þann 2. september næstkomandi.

Málþingið er hluti af dagskrá Skálholts í tilefni af 500 ára afmæli siðbótarinnar sem kennd er við Martein Lúter.

Málþingið hefst klukkan 13:00 laugardaginn 2. september og stendur til klukkan 17.  Fluttir verða fjórir 25 mín. fyrirlestrar. Fyrirlesarar eru Árni Daníel Júlíusson, Þorgeir Arason, Guðrún Ása Grímsdóttir og Torfi K. Stefánssson Hjaltalín. Á milli fyrirlestranna gefst tími fyrir spurningar og  viðbrögð þátttakenda. Málþingi stýrir Kristján Valur Ingólfsson.

Málþingið er öllum opið.

  • email Senda frétt
  • print Prentvæn útgáfa
  • Plain text Einfaldur texti