Eitthvað fyrir alla á Hafnardögum

Bæjarhátíðin Hafnardagar hófst í Þorlákshöfn í dag og stendur fram á laugardagskvöld. Þetta er sannkölluð fjölskylduhátíð þar sem allir aldurshópar finna eitthvað við sitt hæfi og geta skemmt sér saman.

Meðal annars er boðið bæði upp á sundlaugarpartí og sundlaugarkósí, harmonikkuball, sápurennibraut og sápufótbolta.

Á föstudagskvöldið verður skrúðganga úr hverfum sem endar með skemmtidagskrá í skúðgarðinum. Þar verða fallegustu og frumlegustu skreytingarnar verðlaunaðar, Jón Jónsson kemur fram og síðan verður varðeldur og brekkusöngur með Hlyni Ben Dagskránni í skrúðgarðinum lýkur með flugeldasýningu áður en blásið verður til lúðrasveitts partís með Jarli Sigurgeirssyni í Versölum.

Á laugardaginn verður dorgveiðikeppni, lasertag, fjölskyldudagskrá í skrúðgarðinum og tónleikar með Amabadama, svo eitthvað sé nefnt.

Fyrri greinGrunnskólanemendur í Árborg fá ókeypis námsgögn
Næsta greinSautjánda flugeldasýningin á Jökulsárlóni