Eldri blokkflautusveit Tónlistarskóla Árnesinga heldur tónleika í sal skólans að Eyravegi 9 fimmtudaginn 25. maí, á uppstigningardag, kl. 14:00.
Dagskráin spannar tímabilið frá 16. öld til nútímans, eftir erlend sem innlend tónskáld, konur jafnt sem karla.
Tilefni tónleikanna er námsferð sveitarinnar til Hollands í júní.
Stjórnandi blokkflautusveitarinnar er Helga Sighvatsdóttir.
Aðgangur að tónleikunum er ókeypis og allir hjartanlega velkomnir, en frjáls framlög eru vel þegin.