Kvennakórinn Ljósbrá heldur vortónleika sína í Guðríðarkirkju í Grafarholti fimmtudaginn 27. apríl og í Hvolnum á Hvolsvelli föstudaginn 28. apríl. Einn gesta kórsins á tónleikunum er Guðrúnu Gunnarsdóttir.
Kvennakórinn Ljósbrá er skipaður rúmlega 40 kátum konum úr Rangárvalla- og Árnessýslu.
Eftir vel heppnaða ferð til Spánarstranda síðastliðið vor urðu Ljósbrárkonur heimakærar og er því lagavalið frekar þjóðlegt að þessu sinni en einnig eru tónleikarnir að stórum hluta tileinkaðir hinni dáðu söngkonu Ellý Vilhjálms.
Ellý heillaði flesta með söng sínum og heillandi framkomu. Kórinn hefur fengið aðra dáða söngkonu til liðs við sig en hún hefur heiðrað minningu Ellýar og sungið lög hennar eins og henni einni er lagið. Þessi söngkona er engin önnur en Guðrún Gunnarsdóttir og Ljósbrárkonur upp með sér að hafa fengið hana til liðs við kórinn.
Guðmundur Eiríksson mun leiða kórinn í söng líkt og áður ásamt því að spila undir á píanó. Smári Kristjánsson spilar á bassa, Rúnar Þór Guðmundsson á trommur, Guri Hilstad Olason, Sylvia Rossel og Aníta Þorgerður Tryggvadóttir á blásturshljóðfæri.
Báðir tónleikarnir hefjast kl. 20:00. Miðar eru seldir við innganginn.