Upplestur og myndlist í bókasafninu á Selfossi

Það verður líf og fjör á bókasafninu á Selfossi á Sumardaginn fyrsta. Þær Steinunn Sigurðardóttir og Heiða Guðný Ásgeirsdóttir munu mæta á svæðið klukkan 13:00 og spjalla um tilurð bókarinnar „Heiða: fjalldalabóndinn“ og lesa úr kaflanum um vorið.

Siggi Jóns opnar sýningu sína Vinnugleði í Listagjánni klukkan tólf á hádegi þennan sama dag. Sigurður Jónsson er fæddur 1948 og er Selfyssingum að góðu kunnur. Hann fór að mála eftir mikið áfall sem hann varð fyrir í lok árs 2007 þegar hann lamaðist hægra megin í líkamanum.

Hann málar með vinstri hendi en var rétthentur fyrir áfallið. Sigurður byrjaði að mála á steina en í dag málar hann einnig á striga.

Fyrri greinVor í Árborg að hefjast
Næsta greinKomu niður á heitt vatn á Langanesi