Eins og undanfarin ár hefur Ljósmyndaklúbburinn 860+ sett upp útiljósmyndasýningu á miðbæjartúninu á Hvolsvelli. Sýningin var formlega opnuð á hátíðarhöldunum 17. júní sl.
Sem fyrr er sýningin glæsileg en ljósmyndararnir búa allir eða eiga rætur sínar að rekja í Rangárþing eystra.
Útisýningin setur alltaf mikinn svip á miðbæjarsvæðið og eru gestir á Hvolsvelli hvattir til að leggja leið sína niður á miðbæjartún og skoða sýninguna.
Sýningin verður uppi í allt sumar.