Kristbergur sýnir á Hótel Hlíð

Kristbergur Pétursson listmálari opnar yfirlitssýningu á Hótel Hlíð í Ölfusi laugardaginn 11. júní. Alls eru 26 verk á sýningunni; ellefu olíumálverk, átta vatnslitamyndir og sjö grafíkverk.

Kristbergur hefur haldið á fjórða tug einkasýninga og einnig tekið þátt í fjölda samsýninga hérlendis sem erlendis. Hann stundaði nám við MHÍ 1979 til 1985 og síðan í Ríkisakademíunni í Amsterdam frá 1985-1988.

Kristbergur verður viðstaddur opnun sýningarinnar klukkan 15 næstkomandi laugardag. Sýningin stendur yfir í allt sumar – lýkur 15. september 2016.

Fyrri greinHeitavatnslaust í Árborg á þriðjudag
Næsta greinEva ráðin yfirþjálfari