Skráning hafin í traktorstorfæruna

Frá traktorstorfærunni í fyrra. sunnlenska.is/Guðmundur Karl

Hin árlega traktorstorfæra verður haldin við reiðhöllina á Flúðum á laugardaginn.

Keppnin hefur notið mikilla vinsælda hjá áhorfendum sem skiptu þúsundum sl. sumar. Enginn aðgangseyrir er á keppnina en söfnunarbaukar verða á staðnum og geta gestir látið frjáls framlög af hendi rakna í þá.

Skráning er hafin á netfanginu bfeyvindur@simnet.is. Það er Björgunarfélagið Eyvindur sem sér um framkvæmd keppninnar.