Dagur Fannar Einarsson, Umf. Selfoss, stórbætti HSK metið í tugþraut í flokki 16-17 ára á Meistaramóti Íslands í fjölþrautum sem haldið var í Reykjavík dagana 23. og 24. júní sl.
Dagur stóð sig frábærlega og varð annar í flokki 16 – 17 ára með 5.602 stig. Hann bætti sinn persónulega árangur í þremur greinum, eða 1.500 m hlaupi, hástökki og spjótasti. Styrmir Dan Steinunnarson átti gamla metið sem var 5.284 stig.
Marta María Bozovic Siljudóttir keppti í sjöþraut í flokki 16 – 17 ára og varð önnur með 2.920 stig og bætti sig í 200 m hlaupi.