Selfoss riftir samningi við Espinosa

Leturstærð: Decrease font Enlarge font
image sunnlenska.is/Guðmundur Karl

Stjórn knattspyrnudeildar Selfoss hefur rift samningi sínum við Toni Espinosa, leikmann meistaraflokks karla, vegna atviks sem kom upp í leik gegn Haukum í Inkasso-deildinni í gærkvöldi.

Samkvæmt veflýsingu fotbolti.net rauk Espinosa af velli og tók sér sæti á varamannabekknum eftir að Selfoss lenti 2-0 undir á 37. mínútu.

Í yfirlýsingu sem stjórn knattspyrnudeildar Selfoss sendi frá sér í morgun er Espinosa sagður hafa sýnt af sér hegðun sem er ekki í samræmi við gildi Selfyssinga; Gleði, virðing og fagmennska. 

„Deildin hefur því sagt upp samningi leikmannsins frá og með deginum í dag,“ segir í yfirlýsingunni.

  • email Senda frétt
  • print Prentvæn útgáfa
  • Plain text Einfaldur texti