Elvar Örn Jónsson, leikmaður Selfoss, var útnefndur besti leikmaður Íslandsmótsins í handknattleik á lokahófi HSÍ sem haldið var í kvöld.
Elvar Örn varð einnig í 3. sæti í kosningunni um mikilvægasta leikmann deildarinnar, sem hlýtur Valdimarsbikarinn. Hann kom í hlut Theodórs Sigurbjörnssonar, ÍBV.
Haukur Þrastarson var valinn efnilegasti leikmaður Olísdeildar karla og bróðir hans, Örn varð í 3. sæti í kosningunni um besta þjálfarann í Olísdeild kvenna.
Patrekur Jóhannesson, þjálfari Selfoss, var valinn besti þjálfarinn í Olísdeild karla.