Ægismenn töpuðu fyrsta heimaleik sumarsins í 3. deild karla í knattspyrnu en KH kom í heimsókn á Þorlákshafnarvöll í kvöld.
Gestirnir komust í 0-1 á 20. mínútu og þannig stóðu leikar í hálfleik. KH skoraði svo tvö mörk á skömmum tíma um miðjan seinni hálfleikinn og Ægismönnum tókst ekki að jafna þrátt fyrir ágætar sóknir. Reyndar áttu bæði lið góð tækifæri til þess að bæta við mörkum á lokakaflanum en það gerðist ekki.
Ægir er í 5. sæti deildarinnar með 3 stig en KH er ósigrað á toppnum með 6 stig.