Elena í atvinnumennskuna

Leturstærð: Decrease font Enlarge font
image Elena handsalar samninginn við Odd Erik Gullaksen íþróttastjóra Førde IL. Ljósmynd úr einkasafni.

Handknattleikskonan Elena Elísabet Birgisdóttir frá Selfossi gekk á dögunum til liðs við norska 1. deildar liðið Førde IL.

Elena, sem leikið hefur með Stjörnunni undanfarin tvö ár, gerði eins árs atvinnumannasamning við liðið með möguleika á framlenginu um annað ár.

Elena kemur ekki að tómum kofanum hjá Førde IL því Hilmar Guðlaugsson er nýtekinn við sem þjálfari liðsins en hann þjálfaði hjá Selfossi áður en hann flutti sig um set til Noregs. Førde IL í níunda sæti í 1. deildinni á síðustu leiktíð af tólf liðum. Síðasta leiktíð var fyrsta ár liðsins í fyrstu deild.

Á heimasíðu Selfoss segir að með samningnum feti Elena í fótspor frænku sinnar Ingu Fríðu Tryggvadóttur og Selfyssinganna Auðar Hermannsdóttur og Huldu Bjarnadóttur sem allar spiluðu í atvinnumennsku eftir að hafa slitið handboltaskónum á Selfossi.

  • email Senda frétt
  • print Prentvæn útgáfa
  • Plain text Einfaldur texti