Torfærumenn lofa tilþrifum á Hellu

Leturstærð: Decrease font Enlarge font
image Ökumenn lofa miklum tilþrifum og skemmtun fyrir alla fjölskylduna. Ljósmynd/Aðsend

Laugardaginn 12. maí kl. 11:00 hefst Sindratorfæran fram á Hellu. Mikil spenna er í fólki þar sem þetta er fyrsta umferð Íslandsmótsins og upphaf keppnistímabilsins hjá torfærufólki.

Alls er 21 keppandi skráður til leiks og ef keppendalistinn er skoðaður má þar sjá nöfn sem margir þekkja á borð við Gísla G. Jónsson, Árna Kóps og marga fleiri.

Nýjir keppendur eru allnokkrir; Ásmundur Ingjaldsson, Páll Jónsson, Guðmundur Elíasson og fleiri, sumir hverjir á nýsmíðuðum bílum sem aldrei hafa sést áður. Þeir keppendur sem hafa verið að slást um titilinn undanfarin ár eru sjálfsögðu á lista, þeir Atli Jamil á Thunderbolt, Magnús Sigurðsson á Kubbnum, Geir Evert Grúmsson á Sleggjunni, Þór Þormar á Thor og fleiri til í sérútbúnaflokknum og þeir Steingrímur Bjarnason á Strumpnum og Ívar Guðmundsson á Kölska í götubílaflokknum.

Akstursíþróttasvæði Flugbjörgunarsveitarinnar á Hellu rétt austan Hellu hefur sjaldan litið betur út og er búið að leggja mikin metnað í svæðið og brautirnar. Áin og mýrin verða að sjálfsögðu á sínum stað auk brauta í börðum og sandbrekkum, mjög hraðri tímabraut þar sem oft verða mikil tilþrif. 

Ökumenn sem eru í óða önn að leggja loka hönd á keppnisstækin lofa miklum tilþrifum og skemmtun fyrir alla fjölskylduna. Það eru Flugbjörgunarsveitin á Hellu og Akstursíþróttanefnd Heklu sem standa að keppninni.

Allar upplýsingar má nálgast hér.

  • email Senda frétt
  • print Prentvæn útgáfa
  • Plain text Einfaldur texti