Það var heldur betur boðið upp á handboltaveislu í Vallaskóla í kvöld þegar einvígi Selfoss og FH í undanúrslitum Íslandsmóts karla í handbolta hófst. Selfoss sigraði 36-24 eftir framlengdan leik.
Það var hart barist í fyrri hálfleik og jafnt á öllum tölum lengst af. Bæði lið spiluðu hörkuvörn og gulum spjöldum og tveggja mínútna dómum rigndi yfir leikmenn.
Vendipunktur varð í leiknum þegar Gísli Þorgeir Kristjánsson, lyklimaður FH-inga, braut á Árna Steini Steinþórssyni sem var að stökkva inn úr hægra horninu. Árni fékk þungt högg á hnéð og kom ekki meira við sögu í leiknum.
Í kjölfarið hikstuðu Selfyssingar og FH náði þriggja marka forskoti og leiddi 14-17 í leikhléi.
FH byrjaði betur í seinni hálfleik og náði mest fimm marka forskoti. Þá var komið að Einari Sverrissyni að æsa upp mannskapinn. Hann raðaði inn mörkunum á lokakaflanum en Selfoss gerði 9-3 áhlaup á síðustu fimmtán mínútunum þar sem Einar var óstöðvandi og skoraði sex mörk. Haukur Þrastarson jafnaði svo 28-28 á lokamínútunni og FH-ingum mistókst að nýta síðustu sóknina.
Framlengingin var í járnum þar til tvær mínútur voru eftir að FH tapaði boltanum. Þessi litlu mistök urðu til þess að Selfoss komst tveimur mörkum yfir en á lokasekúndunum voru þeir vínrauðu skrefinu á undan og Teitur Örn Einarsson negldi inn síðasta markinu þegar þrjár sekúndur voru eftir. Brjáluð fagnaðarlæti.
Einar Sverrisson var markahæstur Selfyssinga með 11/5 mörk, Haukur Þrastarson og Atli Ævar Ingólfsson skoruðu báðir 6 mörk, Teitur Örn Einarsson 5, Elvar Örn Jónsson skoraði 4 mörk, átti 7 stoðsendingar og var frábær í vörninni og Hergeir Grímsson skoraði sömuleiðis 4 mörk og var hrikalega öflugur í vörninni með 9 brotin fríkost. Þeir Guðni Ingvarsson og Árni Steinn Steinþórsson skoruðu 1 mark hvor. Sölvi Ólafsson varði 7 skot og Helgi Hlynsson 4.
Næsti leikur liðanna er í Kaplakrika á laugardaginn.