Hanna og Perla framlengja við Selfoss

Leturstærð: Decrease font Enlarge font
image Hrafnhildur Hanna og Perla Ruth eftir undirritun samninganna. Ljósmynd/UMFS

Landsliðskonurnar Hrafnhildur Hanna Þrastardóttir og Perla Ruth Albertsdóttir hafa framlengt samninga sína við handknattleiksdeild Selfoss til tveggja ára.

Þetta eru frábærar fréttir fyrir handknattleiksdeild Selfoss, enda hafa þær verið lykilmenn liðsins í Olísdeildinni í vetur.

Perla, sem er 21 ára línumaður, var markahæst í liði Selfoss í vetur með 100 mörk. Hrafnhildur Hanna er 22 ára skytta og hefur verið lykilmaður liðsins í nokkur ár en hún glímdi við meiðsli stóran hluta tímabilsins í vetur. 

Í tilkynningu frá stjórn deildarinnar segir að Selfyssingar séu hæstánægðir með að stelpurnar skuli halda tryggð við félagið.

  • email Senda frétt
  • print Prentvæn útgáfa
  • Plain text Einfaldur texti