Kvennalið Selfoss gerði 2-2 jafntefli við Hauka á útivelli í B-deild Lengjubikarsins í knattspyrnu á Ásvöllum í Hafnarfirði í kvöld.
Magdalena Reimus kom Selfyssingum yfir á 22. mínútu með marki úr vítaspyrnu og korteri síðar kom Halla Helgadóttir Selfossi í 2-0.
Haukar minnkuðu hins vegar muninn á lokamínútu fyrri hálfleiks og bættu svo við öðru marki á 2. mínútu seinni hálfleiks. Lokatölur urðu 2-2 en þrátt fyrir ágætar sóknir beggja liða í seinni hálfleik urðu mörkin ekki fleiri.
Selfoss er í 4. sæti B-deildarinnar eftir fjóra leiki með fjögur stig en Haukar eru á botninum með 1 stig.