Ægismenn unnu góðan sigur á KFG í B-deild Lengjubikars karla í knattspyrnu í dag, en þetta var fyrsti sigur Ægis í Lengjunni í vor.
Liðin mættust á Selfossvelli og þar kom Þorkell Þráinsson þeim yfir á 32. mínútu. Staðan var 1-0 í leikhléi og seinni hálfleikur var markalaus allt þar til á 87. mínútu að Jón Reynir Sveinsson tryggði Ægi 2-0 sigur.
Ægir hefur 3 stig í 5. sæti riðils-1 í B-deildinni.