Selfoss tapaði 32-27 þegar liðið sótti Stjörnuna heim í lokaumferð Olísdeildar kvenna í handbolta í dag.
Munurinn á liðunum var ekki mikill í dag en Stjarnan hafði frumkvæðiði stærstan hluta leiksins og leiddi 14-12 í leikhléi.
Perla Ruth Albertsdóttir var markahæst Selfyssinga með 8 mörk, Hrafnhildur Hanna Þrastardóttir skoraði 7, Ída Bjarklind Magnúsdóttir 3, Elva Rún Óskarsdóttir og Hulda Dís Þrastardóttir 2 og þær Kristrún Steinþórsdóttir, Arna Kristín Einarsdóttir, Harpa Sólvegi Brynjarsdóttir, Sólveig Erla Oddsdóttir og Sigríður LIlja Sigurðardóttir skoruðu allar 1 mark.
Selfossliðið er komið í sumarfrí en það náði sínum besta árangri frá upphafi í vetur, 6. sæti í efstu deild.