Spennandi lokamínútur í Hellinum

Leturstærð: Decrease font Enlarge font
image Ólafur Helgi Jónsson skoraði 15 stig í kvöld og tók 8 fráköst. sunnlenska.is/Guðmundur Karl

Þór Þorlákshöfn vann virkilega góðan útisigur á ÍR-ingum í Hertz-Hellinum í Breiðholti í Domino's-deild karla í körfubolta í kvöld, 68-70.

Þórsarar voru sterkari í fyrstu þremur leikhlutunum en staðan í leikhléi var 27-36. Þór hafði nokkuð þægilegt forskot, 46-60, þegar síðasti fjórðungurinn hófst.

Þá gerðu ÍR-ingar 16-2 áhlaup og jöfnuðu 62-62 þegar rúmar fjórar mínútur voru eftir af leiknum. Lokakaflinn var æsispennandi en Ólafur Helgi Jónsson innsiglaði tveggja stiga sigur Þórsara á lokasekúndunni af vítalínunni.

Þór hefur nú 14 stig og er áfram í 9. sæti deildarinnar.

Tölfræði Þórs: DJ Balentine II 19, Ólafur Helgi Jónsson 15/8 fráköst, Chaz Calvaron Williams 15/4 fráköst, Davíð Arnar Ágústsson 12/5 fráköst, Emil Karel Einarsson 5/9 fráköst, Óli Ragnar Alexandersson 2/4 fráköst, Halldór Garðar Hermannsson 2.

  • email Senda frétt
  • print Prentvæn útgáfa
  • Plain text Einfaldur texti