Varnarmaðurinn Ísabella Sara Halldórsdóttir hefur skrifað undir þriggja ára samning við knattspyrnudeild Selfoss, út tímabilið 2020.
Ísabella Sara er aðeins fimmtán ára gömul en hún spilaði sína fyrstu meistaraflokksleiki í Lengjubikarnum síðasta vor og kom við sögu í tveimur leikjum Selfoss í 1. deildinni síðasta sumar, þegar liðið endurheimti sæti sitt í Pepsi-deildinni. Á lokahófi Selfoss var hún valin besti leikmaður 2002 árgangsins í 3. flokki.
„Ísabella kom inn í æfingahópi meistaraflokks í fyrra og þróaði sinn leik mikið á síðasta ári. Hún er einn af öflugustu leikmönnum landsins í sínum árgangi og er framtíðarleikmaður Selfoss. Ég hlakka til að fylgjast með henni vaxa enn frekar sem leikmaður á næstu misserum,“ segir Alfreð Elías Jóhannsson, þjálfari kvennaliðs Selfoss.