Glímusamband Íslands hefur birt styrkleikalista GLÍ og tekur hann mið af árangri keppenda á mótum á landsvísu.
Marín Laufey Davíðsdóttir úr Umf. Þjótanda er í efsta sæti í kvennaflokki með 86,7 stig. Jana Lind Ellertsdóttir úr Garpi er í öðru sæti með 70 stig. Þetta er í fyrsta skipti sem HSK á tvo efstu keppendurna á listanum.
Í karlaflokki er Ásmundur Hálfdán Ásmundsson úr UÍA efstur með stuðulinn 80. Einn keppandi af sambandssvæði HSK er á meðal efstu manna á listanum, en Jón Gunnþór Þorsteinsson úr Þjótanda er í fjórða sæti með 57,5 stig.