Sveit HSK/Selfoss setti glæsilegt Íslandsmet í 4×200 m boðhlaupi í flokki 15 ára pilta á móti hjá Ármanni í síðustu viku. Tíminn var 1:39,47 mín, en gamla metið var í eigu Breiðbliks 1:41,14 mín.
Árangurinn er að sjálfsögðu HSK met í 15 ára flokki, en kapparnir gerðu sér einnig lítið fyrir og bættu HSK metin í fjórum öðrum flokkum, þ.e. í karlaflokki, 20-22 ára flokki, 18-19 ára flokki og 16-17 ára flokki.
Sveitina skipuðu þeir Hákon Birkir Grétarsson, Sindri Freyr Seim Sigurðsson, Dagur Fannar Einarsson og Jónas Grétarsson.