Elísabet Margeirsdóttir og Birgir Sævarsson sigruðu í Hengill Ultra Trail 100 km hlaupinu í gær. Þau komu í mark eftir 100 km á 16 klukkutímum og 42 mínútum.
Það var mikil þoka á fjallinu í fyrri nótt og nokkur vindur á tímabili og sóttist hlaupið hægt þess vegna. Sjö luku keppni í það heila í 100 km brautinni og kom sá síðasti inn á tæpum 20 klukkutímum.
Þau Elísbet og Birgir voru glöð og góða heilsu miðað við þrekvirkið sem er að baki og slógu á létta strengi á marklínuna eins og myndin sýnir. Það voru svo Ítalarnir Matteo Meucci og Davide Cecchi svo komu í mark í öðru og þriðja sæti en Elísabet var eina konan sem hljóp 100 km í ár. Sigrinum í 100 km fylgir nafnbótin Konungur og drottning eldfjallsins sem þau Elísabet og Birgir bera nú að næstu keppni þar sem þau munu örugglega mæta til að verja titlana.
Til marks um erfiðleika stuðul 100 km hlaupsins í gær þá hættu þrír keppendur keppni eftir að hlaupið var ræst. Tveir keppendur eftir rúmlega 20 kílómetra og sá þriðji eftir að hafa hlaupið meira en 55 kílómetra. Skrifast það á slæm veðurskilyrði og erfitt skyggni en keppendur voru ræstir á miðnætti aðfaranótt laugardags þannig að í ofan á lag bættist svo myrkrið við fyrstu rúmlega fimm klukkutímanna af keppninni. Keppnin er erfiðasta og lengsta utan vega hlaupakeppni landsins og alls ekki fyrir aðra en þaulvana hlaupara.
Í 50 kílómetrum voru það þau Sigurjón Ernir Sturluson og Eva Ólafsdóttir sem sigðruðu. Sigurjón á tímanum 5:33:51 klst. og Eva á 7:37:57 klst. Þá voru það Ingvar Hjartarson á tímanum 1:47:32 klst. og Andrea Kolbeinsdóttir á tímanum 1:56:56 klst. sem sigruðu 24 kílómetra hlaupið í Hengil Ultra en rúmlega 100 manns voru skráðir í þá vegalengd.
Keppendur komu allsstaðar af í heimunum til að keppa í Hengil Ultra Trail en keppendur frá Ítalíu, Austurríki, Þýskalandi, Bandaríkjunum og Ástralíu voru á meðal keppenda sem komust á pall í honum ýmsu aldurshópum og vegalengdum.
Mótið var ræst í Listigarðinum í Hveragerði og þaðan hlaupið upp Reykjadalinn og alveg upp á og yfir Hengilinn í lengstu vegalengdunum.
Markmið skipuleggjenda er að gera Hengill Ultra að skemmtilegasta utanvega hlaupi landsins með metnaðarfulla umgjörð fyrir keppendur og aðstandendur. Á næstu fimm árum ætla aðstandendur mótsins að gera það að þekktri stærð í hlaupasamfélögum í Evrópu, Bandaríkjunum og Kanada. Slagorð hlaupsins er „Allir hlaupa, allir vinna og allir velkomnir“.