Firmakeppni Golfklúbbs Selfoss var spiluð í dag við góðar aðstæður. Lið Kraftbrennzlunnar fór með sigur af hólmi en liðið var skipað eigendum fyrirtæksins.
Það voru þau Ástmundur Sigmarsson og Helena Guðmundsdóttir sem sigruðu í dag á 28 höggum, jafnmörgum höggum og liðin í 2. sæti og 3. sæti en Kraftbrennslan var með betri síðustu þrjár holurnar.
Lið Hársnyrtistofunnar Österby varð í 2. sæti á 28 höggum einnig, en liðið skipuðu Pétur Sigurdór Pálsson og Einar Matthías Kristjánsson.
Í þriðja sæti varð lið Heimsferða en knattspyrnumennirnir Arnór Ingi Gíslason og Gylfi Dagur Leifsson skipuðu liðið sem spilaði einnig á 28 höggum.
Alls voru 24 ilð skráð til leiks á mótinu.