Ægismenn halda sæti sínu í 3. deild karla í knattspyrnu eftir 0-3 sigur á Berserkjum á útivelli í kvöld.
Sigur Ægismanna var öruggur, Darko Matejic kom þeim yfir eftir fimmtán mínútna leik og Guðmundur Garðar Sigfússon bætti við öðru marki korteri síðar.
Staðan var 0-2 í leikhléi en Guðmundur Garðar innsiglaði 0-3 sigur Ægis með öðru marki sínu þegar tuttugu mínútur voru liðnar af síðari hálfleiknum.
Ægir hefur 21 stig í 7. sæti deildarinnar en Berserkir eru áfram á botninum með 5 stig.