Selfoss tapaði öðrum leik sínum á Ragnarsmótinu í handbolta þegar liðið mætti Fram í gærkvöldi. Lokatölur urðu 28-25.
Perla Ruth Albertsdóttir var markahæst Selfyssinga með 9 mörk, Harpa Sólveig Brynjarsdóttir skoraði 4, Hulda Dís Þrastardóttir og Katla María Magnúsdóttir 3, Arna Kristín Einarsdóttir og Sólveig Erla Oddsdóttir 2 og þær Agnes Sigurðardóttir og Katla Björg Ómarsdóttir skoruðu sitt markið hvor.
Ragnheiður Júlíusdóttir var markahæst Framara með 6 mörk.
Í hinum leik gærkvöldsins sigraði ÍBV Val 29-27.
Lokaumferð kvennamótsins verður leikin í kvöld en þá mætast Selfoss og ÍBV kl. 18:30 og Fram og Valur kl. 20:15.