Ársmiðinn í formi derhúfu

Meistaraflokkur Ungmennafélags Gnúpverja í körfuknattleik karla hóf í gær sölu á ársmiðum á heimaleiki sína fyrir næsta tímabil.

Ársmiðinn kostar 4.000 krónur og gildir á alla heimaleiki Gnúpverja í 1. deildinni á næsta tímabili. Það sem er skemmtilegt við ársmiða Gnúpverja er að þeir eru í formi sérstaklega glærilegra derhúfa.

Húfurnar eru hvítar með ísaumuðu merki Ungmennafélags Gnúpverja og deri í gylltum felulitum. Húfurnar eru fáanlegar í vefverslun Gnúpverja.

Gnúpverjar eru eina liðið í íslenskri körfuknattleikssögu til að fara upp um tvær deildir tvö tímabil í röð. Liðið var stofnað 2015 og lék það tímabil í 3. deild karla. Þjálfari liðsins er Máté Dalmay og hefur liðið samanstaðið af sama leikmannakjarna frá upphafi en nokkrir leikmenn hafa þó bæst í hópinn fyrir komandi átök.

Fyrri greinRauði krossinn tekur neyðarvarnakerru í notkun
Næsta greinKFR vann stórsigur – Stokkseyri tapaði